மால்டோவா நாட்டில் இருந்து இலங்கை வந்த இளைஞருக்கு நேர்ந்த கதி

ஹபரதுவ, லியனகொடவில் உள்ள சுற்றுலா விடுதியில் தங்கியிருந்த 36 வயது மோல்டோவா நாட்டைச் சேர்ந்த இளைஞர் ஒருவர், ஹோட்டலின் நீச்சல் குளத்தில் மூழ்கி உயிரிழந்துள்ளதாக ஹபரதுவ காவல்துறையினர் தெரிவித்துள்ளனர்.

காவல்துறையினரின் தகவலின்படி, இந்த வெளிநாட்டவர், பெப்ரவரி 8ஆம் திகதி தனது தாயுடன் இலங்கைக்கு வந்துள்ளார். இன்று (ஏப்ரல் 27) மாலை ஹோட்டலின் நீச்சல் குளத்தில் இறந்து கிடப்பதை தாயார் கவனித்து, உடனடியாக ஹோட்டல் மேலாளருக்குத் தகவல் வழங்கினார். அதன் பின்னர் காவல்துறைக்கும் அறிவிக்கப்பட்டது.

சம்பவ இடத்திற்கு விரைந்த காவல்துறையினர், ஹோட்டலின் சிசிடிவி பதிவுகளை ஆய்வு செய்தனர். அதன் மூலம், உயிரிழந்தவர் நருபாய் மிஹைல் என அடையாளம் காணப்பட்டார்.

காட்சிகளின்படி, அவர் ஏப்ரல் 26ஆம் தேதி இரவு 10:45 மணியளவில் நீச்சல் குளத்தில் இறங்கியதை, சிறிது நேரத்திலேயே நோய்வாய்ப்பட்டு, இரவு 11:30 மணியளவில் நான்கு அடி ஆழமுள்ள நீச்சல் குளத்தில் மூழ்கி உயிரிழந்ததை உறுதிப்படுத்தப்பட்டுள்ளது.

கராபிட்டிய மருத்துவமனையில் பிரேத பரிசோதனை நடத்த திட்டமிடப்பட்டுள்ளது. இதேவேளை, ஹபரதுவ காவல்துறையினர் மேலதிக விசாரணைகளை மேற்கொண்டு வருகின்றனர்.