தமிழகத்தில் இலங்கையர்களின் முகாமிற்கு சென்ற ஈழத்துக் குயில் கில்மிஷா!

தென்னிந்திய பிரபலத் தொலைக்காட்சியில் ஒளிபரப்பான சரிகமப லிட்டில் சாம்ப்ஸ் சீசன் 3 நிகழ்ச்சியின் வெற்றியாளர் கில்மிஷா, தமிழகத்திலுள்ள ஈழத் தமிழர்களை சந்தித்துள்ளார்.

சென்னை – காவாங்கரை பகுதியிலுள்ள இலங்கை தமிழர் மறுவாழ்வு முகாமிற்கு கில்மிஷா சென்று அங்குள்ள இலங்கை தமிழ் அகதிகளுடன் கலந்துரையாடியுள்ளார்.

இலங்கை தமிழர் மறுவாழ்வு முகாமிலுள்ள ஈழத் தமிழர்கள், கில்மிஷாவிற்கு அமோக வரவேற்பளித்துள்ளனர்.

சரிகமப லிட்டில் சாம்ப்ஸ் சீசன் 3 இசை நிகழ்ச்சி  28 போட்டியார்களுடன் ஆரம்பமான நிலையில் இறுதி சுற்று வரைப் பயணித்து  சரிகமப லிட்டில் சாம்ப்ஸ் சீசன் 3 இறுதிச் சுற்றில் வெற்றி மகுடம் சூடி யாழ் மண்ணிற்கு கில்மிஷா பெருமை சேர்த்துள்ளமைக் குறிப்பிடத்தக்கது.