வடக்கில் தலைவிரித்தாடும் லஞ்சம்; தடுக்க வேண்டியவர்களே இப்படியா?

வவுனியா பூவரசங்குளம் காவல் நிலையத்தின் பொறுப்பதிகாரி, காணி பிணக்கொன்றை தீர்க்கும் நோக்கில் ரூ.25 இலட்சம் இலஞ்சம் பெற்றதாக கைது செய்யப்பட்ட நிலையில், வவுனியா நீதிமன்றம் அவரை மே 27ஆம் திகதி வரை விளக்கமறியலில் வைக்க உத்தரவிட்டது.

காணி தொடர்பான பிரச்சனையை தீர்க்குமாறு எதிர்பார்த்தபோது, பொறுப்பதிகாரி ரூ.25 இலட்சம் மோசடி தொகையை லஞ்சமாக பெற முயற்சித்துள்ளார். இதற்கமைவாக, இலஞ்சம் மற்றும் ஊழல் தடுப்பு ஆணைக்குழுவின் அதிகாரிகள் கடந்த மே 21ஆம் திகதி, அவரை கொழும்பிலிருந்து வருகை தந்து கைது செய்தனர்.

கைது செய்யப்பட்ட பொறுப்பதிகாரி, வவுனியா நீதிமன்றத்தில் முன்னிலைப்படுத்தப்பட்டபோது, நீதவான் அவரை மே 27ஆம் திகதி வரை விளக்கமறியலில் வைக்க உத்தரவிட்டார். தொடர்ந்து, இக்கேஸை கொழும்பு நீதிமன்றத்திற்கு மாற்ற நடவடிக்கை மேற்கொள்ளப்பட்டுள்ளது.

இந்த சம்பவம், குற்றங்களைத் தடுக்க வேண்டிய பொறுப்பாளர்களே குற்றங்களில் ஈடுபடுகின்றனர் எனும் சமூகத்தின் வருத்தத்தை வெளிப்படுத்தியுள்ளது. வடமாகாணத்தில், யுத்த காலத்திலும் அதன் பின்னர் காலத்திலும் அதிகாரிகளால் இயற்கை வளங்கள் மற்றும் சொத்துக்களும் உள்பட, பல்வேறு விதமான மோசடிகளில் ஈடுபடப்பட்டுள்ளதாக சமூக ஆர்வலர்கள் குற்றஞ்சாட்டுகின்றனர்.