இதயம் முதல் எலும்புகள் வரை : பக்காவாக பாதுகாக்கும் காளான்.

காளான்கள் ஊட்டச்சத்துக்கள் நிறைந்தவை. மேலும், பல மருத்துவ பண்புகளும் காளானில் காணப்படுகின்றன. இது நீரிழிவு, கொலஸ்ட்ரால், இரத்த அழுத்த பிரச்சனைகளை கட்டுப்படுத்துவதோடு, நோய் எதிர்ப்பு சக்தியையும் அதிகரிக்க உதவுகிறது.

மோசமான வாழ்க்கை முறை மற்றும் உணவு பழக்கம் காரணமாக நமது நோய் எதிர்ப்பு சக்தி மிகவும் பலவீனமாகிறது,  நமது உணவில் காளான்களை சேர்க்க வேண்டும். வைட்டமின் ஏ, பி, சி தவிர, ஆன்டி-ஆக்ஸிடன்ட் பண்புகள் காளானில் காணப்படுகின்றன.

எனவே, இது நம் நோய் எதிர்ப்பு சக்தியை அதிகரிக்க உதவுகிறது.

நார்ச்சத்து, பொட்டாசியம், வைட்டமின் சி ஆகியவை காளானில் காணப்படுகின்றன, இது இரத்த அழுத்தத்தைக் கட்டுப்படுத்த உதவுகிறது. இது தவிர, பீட் க்ளூட்டன் என்ற தனிமம் இதில் உள்ளது, இது கொலஸ்ட்ராலை குறைக்க உதவுகிறது.

இதனால் உங்கள் இதயம் எப்போதும் ஆரோக்கியமாக இருக்கும்

மூட்டுகளில் வலி அதிகமாக இருந்தால்அல்லது உங்கள் எலும்புகள் மிக பலவீனமாக இருந்தால், காளான்களை கண்டிப்பாக உட்கொள்ள வேண்டும். கால்சியம் மற்றும் வைட்டமின் டி காளானில் அதிக அளவில் உள்ளது.

இது உங்கள் எலும்புகளை வலுவாக வைத்திருக்க உதவுகிறது.

ஒரு ஆராய்ச்சியின் படி, சில காளான்களில் நீரிழிவு எதிர்ப்பு பண்புகள் காணப்படுகின்றன, இது உங்கள் இரத்த சர்க்கரை அளவைக் கட்டுப்படுத்த உதவுகிறது.

நார்ச்சத்து தவிர, பாலிசாக்கரைடுகள், பாலிபினால்கள், ஃபிளாவனாய்டுகள் போன்ற பல உயிரியல் கூறுகள் காளானில் காணப்படுகின்றன. இது, உடல் எடையை குறைப்பதோடு, உங்கள் இதயத்தையும் ஆரோக்கியமாக வைக்கிறது.

சைவ உணவு, அசைவ உணவு என எந்த உணவு பிரியர்களுக்கும் விருப்ப உணவாக இருப்பது காளான் என்பது குறிப்பிடத்தக்கது. காளான் பிரியாணி, காளான் வறுவல், காளான் குழம்பு, காளான் ரைஸ் என காளான்கள் விதவிதமாக சமைக்கப்படுவது உண்டு.

அதுமட்டுமின்றி அசைவத்தை வைத்து பல்வேறு உணவுகள் தயாரிக்கப்படுவது போல் சைவத்தில் காளான்களை வைத்து பல்வேறு வகையான உணவுகள் தயாரிக்க முடியும் என்பதால் பலரும் அதை விரும்பி சாப்பிடுவார்கள்.