பயங்கர விபத்தில் சிக்கிய சொகுசு கார்… 4 பேர் வைத்தியசாலையில்!
நுவரெலியா – ஹட்டன் பிரதான வீதியில் பயணித்த சொகுசு கார் ஒன்று சாரதியின் கட்டுப்பாட்டையிழந்தது வீதியோரத்தில் உள்ள கற்பாறையில் மோதி விபத்துக்குள்ளாகியுள்ளது.
இந்த விபத்து சம்பவம் நானுஓயா டெஸ்போட் பகுதியில் இன்றையதினம் (15-05-2024) மாலை இடம்பெற்றுள்ளது.
குறித்த விபத்தில் 4 பேர் காயமடைந்து நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவிக்கின்றனர்.
விபத்து தொடர்பில் மேலும் தெரியவருவதாவது,
கண்டி – அக்குரணை பகுதியில் இருந்து நுவரெலியாவிற்கு வருகைத்தந்து நானுஓயா டெஸ்போட் வழியாக கொழும்பு நோக்கி சென்ற சொகுசு கார் சாரதியின் கட்டுப்பாட்டை இழந்து வீதியின் இடது பக்கமாக இழுத்துச் செல்லப்பட்டு கற்பாறையில் மோதி விபத்துக்குள்ளானதாக தெரிவிக்கப்படுகிறது.
சம்பவம் தொடர்பில் நானுஓயா பொலிஸார் மேலதிக விசாரணைகளை முன்னெடுத்து வருகின்றனர்.
