பிரேரணைகளை பிரதமர் முன்வைத்துள்ளமையால் சூடான சூழல்

21ஆவது அரசியலமைப்பு திருத்தச் சட்டம் தொடர்பில் ஆராய்வதற்காக பிரதமர் ரணில் விக்கிரமசிங்க (Ranil Wickremesinghe) கூட்டிய சர்வகட்சிக் கூட்டத்தில் ஆளும் கட்சி சார்பில் பிரேரணைகளை பிரதமர் முன்வைத்துள்ளமையால் சூடான சூழல் ஏற்பட்டுள்ளதாக தெரியவருகிறது.

குறித்த கூட்டமானது இன்றைய தின்ம (03-06-2022) கூட்டப்பட்டுள்ளது.

பொஹொட்டு சார்பாக தினேஷ் குணவர்தன (Dinesh Gunawardena) மற்றும் ஜி.எல்.பீரிஸ் (G. L. Peiris) ஆகியோர் கலந்துகொண்டனர்.

பிரதமரை எந்த நேரத்திலும் நீக்கி, தேவைப்பட்டால் அமைச்சுக்களைக் கைப்பற்றும் அதிகாரம் ஜனாதிபதிக்கு இருக்க வேண்டும் என ஜி.எல்.பீரிஸ்  தெரிவித்துள்ளார்.

ஆனால் அதற்கு பிரதமர் சம்மதிக்கவில்லை.

அப்படியானால் அதற்கு நாடாளுமன்றம் ஒப்புதல் அளிக்க வேண்டும் என பிரதமர் குறிப்பிட்டுள்ளார்.

எவ்வாறாயினும், இந்த கலந்துரையாடலின் பின்னர் பேச்சுவார்த்தை மேசையிலிருந்து தினேஷ் குணவர்தன மற்றும் ஜீ.எல்.பீரிஸ் ஆகியோர் வெளியேறியுள்ளதாக தெரியவருகிறது.

மேலும், 21வது திருத்தச் சட்டத்தில் மேலும் சில சரத்துக்களை சேர்க்க ஜனாதிபதி எதிர்பார்த்துள்ளதாகவும், அந்த ஷரத்துகளில் பிரதமரை எந்த நேரத்திலும் பதவி நீக்கம் செய்யும் அதிகாரம் மற்றும் எந்த நேரத்திலும் ஒரு அமைச்சுப் பதவியைக் கைப்பற்றும் அதிகாரத்தையும் உள்ளடக்குவதற்கும் ஜனாதிபதி திட்டமிட்டுள்ளதாக அறிய முடிந்தது.

இந்த யோசனைகளை அடுத்த அமைச்சரவையில் 21வது திருத்தச் சட்டத்திற்கு முன்வைக்க ஜனாதிபதி எதிர்பார்த்துள்ளதாகவும், பிரதமர் உள்ளிட்ட ஐக்கிய தேசியக் கட்சியின் பிரதிநிதிகள் இதனை ஏற்றுக்கொள்ள நடவடிக்கை எடுக்காவிடின், அதற்கு அங்கீகாரம் வழங்கப்பட மாட்டாது எனவும் அரசாங்கத்திற்கு நெருக்கமான வட்டாரங்கள் தெரிவிக்கின்றன.