கொழும்பை உலுக்கிய மினி சூறாவளி; வீதியில் பயணித்த கார் மீது விழுந்த பாரிய மரம்

தொடரும் சீரற்ற வானிலை மற்றும் பலத்த காற்று காரணமாக, கொழும்பு சிட்டி சென்டர் வர்த்தக வளாகத்திற்கு அருகிலுள்ள வீதியில் சென்றுகொண்டிருந்த ஒரு கார் மீது பாரிய மரம் ஒன்று முறிந்து விழுந்து விபத்து ஏற்பட்டுள்ளது.

இவ்விபத்து நேற்று (30) மாலை இடம்பெற்றதாக பொலிஸார் தெரிவித்தனர்.
மரம் முறிந்து விழுந்ததில், காரின் முன் பகுதி கடுமையாக சேதமடைந்துள்ளதாகவும், இந்த சம்பவத்தில் யாருக்கும் படுகாயம் ஏற்படவில்லை எனவும் காவல்துறையினர் தெரிவித்துள்ளனர்.

கொழும்பை உலுக்கிய இந்த மினி சூறாவளி போன்ற சுழல்வாயு நிலை, சீரற்ற காலநிலையின் ஒரு பகுதியாக இருந்ததாகவும், இதேபோன்று பல பகுதிகளில் மரங்கள் முறிந்து விழும் சம்பவங்கள் அதிகரித்து வருவதால், சாரதிகள் மற்றும் பொதுமக்கள் மிகுந்த எச்சரிக்கையுடன் இயங்குமாறும் காவல்துறை கேட்டுக்கொண்டுள்ளது.

மறு அறிவித்தல் வெளியாகும் வரை, கடலுக்கு செல்லவேண்டாம் என கடற்றொழில் மற்றும் நீரியல் வளங்கள் திணைக்களம் கடும் எச்சரிக்கையுடன் அறிவித்துள்ளது.

தென்மேற்கு பருவமழை காரணமாக நாட்டில் நிலவும் மழையுடனும், பலத்த காற்றுடனும் கூடிய பரபரப்பான வானிலை, கடல் பகுதியில் அதிர்ச்சி அலைகள், உள்நாட்டு காற்று மாறுபாடுகள் மற்றும் ஆழமான இழுபறி நிலைமைகளை உருவாக்கியுள்ளதாகவும் திணைக்களம் குறிப்பிட்டுள்ளது.

இதனால், கடலோர மக்கள் மற்றும் மீனவர்கள், பாதுகாப்புக்காக கடற்கரையிலிருந்து விலகி இருக்குமாறு எச்சரிக்கப்படுகின்றனர்.